Gaisce - Is eagraíocht charthanachta é Gradam an Uachtaráin a bhraitheann ar mhaoiniú ó réimsí agus urraitheoirí éagsúla. Tá ról ríthábhachtach ag an maoiniú seo i gcumas Gaisce a chlár a sheachadadh do dhaoine óga ar fud na hÉireann. Is é príomhaidhm Gaisce a chlár a dhéanamh inrochtana don oiread daoine óga agus is féidir ar fud na hÉireann. Le cabhair ónár n-urraitheoirí táimid in ann an fhís seo a thabhairt beo. In éineacht lena maoiniú ríthábhachtach agus a dtacaíocht leanúnach is féidir le Gaisce clár a sholáthar atá oscailte do gach pobal agus gach cuid den tsochaí agus a ligeann do dhaoine óga a n-acmhainneacht a bhaint amach agus a dtodhchaí a chumhachtú. Creidimid go bhfuil sé de chumas ag an gclár Gaisce saol daoine óga a athrú agus tugann sé deis dóibh a lánacmhainneacht a bhaint amach. Tá buntáistí ollmhóra ag an gclár don tsochaí níos leithne freisin toisc go mbeidh na rannpháirtithe uile bainteach le hobair phobail nó le hobair dheonach ag pointe éigin. Má chreideann tú i ndaoine óga agus má theastaíonn uait tacú le heagraíocht a dhéanann an rud céanna cén fáth nach ndéanfá teagmháil linn ag comms@gaisce.ie.

Eolas Carthanachta:

Carthanas Cláraithe: CHY 8482

Bealaí eile chun tacú le Gaisce:

Is féidir leat tacú le Gaisce anois trí leathanach Tiomsú Airgid a chruthú ar ár leathanach Aghaidh Leabhar. Mar sin, más rannpháirtí Gaisce tú cheana féin nó duine a chreideann go simplí i gcumhachtú daoine óga, cén fáth nach dtacóidh tú le Gaisce trí do ghníomhaíochtaí meán sóisialta. Rachaidh an t-airgead go léir a bhailítear go díreach chuig Gaisce. Lean na céimeanna thíos chun do leathanach a chruthú:

• Téigh go dtí https://www.facebook.com/GaisceAward/
• Roghnaigh cluaisín ‘Fundraisers’ ar thaobh na láimhe clé bun chun tosú ag cruthú do leathanaigh.
• Líon na cúiseanna atá agat le tacú le Gaisce.
• Roghnaigh sprioc ar mhaith leat a ardú.
• Ar deireadh, roinn do leathanach tiomsaithe airgid le do chairde go léir.

Is féidir leat freisin bronntanas a thabhairt do Gaisce trínár gCnaipe Síntiúis ar ár mbratach Face Book. Ba mhaith le Gaisce buíochas a ghabháil libh as ucht do chuid tacaíochta mar nach mbeimis in ann ár gclár a sheachadadh gan tú féin agus deis a thabhairt do dhaoine óga a lánacmhainneacht a bhaint amach. Go raibh maith agat.